「偷食港姐」朱智賢呢排山系女神上身，經常喺社交平臺分享行山靚相，但呢日佢突然曬出一張喺病床上插喉嘅近照，自爆要全身麻醉。
朱智賢話：「全身麻醉完，暈咗成日，唔係好知自己做乜，然后食飽咗個胃又痛，今日暈到都唔記得問醫生問題。」
事后記者致電朱智賢，佢只表示話：「唔好問我有冇事，我無事，係勤力咗啲啲啫。」
講到朱智賢，其實佢喺2012年就報名參加咗香港小姐競選，但可惜喺初賽就畀人淘汰，2013年佢卷土重來，最終順利入圍成為20強，好彩嘅朱智賢獲得咗TVB高層賞識，順加入TVB發展其演藝事業。
啱啱入行嘅朱智賢同好多港姐一樣，從主持人開始做起，而朱智賢喺《東張西望》、《3日2夜》入面都有亮眼嘅主持表現。
後尾，朱智賢開始喺各大劇集有份參演，好似喺《愛情食物鏈》、《溏心風暴3》、《救妻同學會》等劇集都有佢嘅身影。
最后missH祝福朱智賢事業發展得越嚟越好！
Like MisshkNews Facebook！不出门也能知天下事～
