「貼地港姐」回應舊愛結婚，坦言除咗祝福仲係祝福

「貼地港姐」馮盈盈呢日出席《天天開運王》記者會，佢話舊年由年頭旺到年尾好開心，希望新一年更加忙，新年愿望梗係想事業更上一層樓。

記者問到馮盈盈會唔會希望是非少啲？佢話：「呢個都想，不過新聞比較多係好事，證明有人氣，而且我可以好自信咁講，永遠有我嘅新聞，瀏覽度、討論度、分享或者讚好特別多。」

記者提到舊愛醫生男友鐘文浩（Martin）已經舉行婚禮，馮盈盈話：「祝福佢哋，除咗祝福都係祝福。」

講到馮盈盈，其實佢喺2016年參選香港小姐競選，獲得冠軍入行短短三年，已經成功獲得「飛躍進步女藝員」獎項。

馮盈盈上位速度比2013年港姐冠軍嘅陳凱琳仲快，加埋馮盈盈比起陳凱琳更有觀眾緣，喺演技上更勝一籌。

馮盈盈入行之後備受TVB力捧，劇接劇之余仲要犧牲自我，喺幕前獻身，進取攻勢表誓向「TVB一姐」目標進發。

TVB睇到馮盈盈前途無量，主要簽賣身契做「TVB親生女」，肯搏肯畀嘅佢，最近正式升呢做女主角，同視帝陳展鵬開拍新劇《逆天奇案》。