「TVB花旦」無懼風雪，狀態大勇開工拍攝

「TVB花旦」李施嬅較早時放棄出席《萬千星輝頒獎典禮2020》嘅機會，趕翻加拿大復工拍攝劇集《血與水》，點知道抵達當地之后，由於疫情嚴峻需要押后拍攝。

呢日終於傳出好消息，李施嬅喺社交平台曬出開工拍攝現場嘅相，只見當地落緊大雪，景色白蒙蒙嘅一片，但似乎無礙拍攝工作。

李施嬅話：「一年后，又再開工大吉，希望一切順利。」見佢無懼風雪狀態大勇，圈中好友胡定欣、姚子羚、胡杏兒同陳山聰都有留言為佢打氣。

講到李施嬅，其實佢喺2003年由加拿大返嚟香港參選港姐，最終奪得「最上鏡小姐」同「才藝小姐」。

2004年李施嬅與鄧健泓拍拖，有傳兩個人當時更發展到同居階段，直至2009年，李施嬅停工翻加拿大完成學業，佢要求男方經濟援助，導致兩人因為財困結束五年情。

李施嬅自從與鄧健泓喺2010年宣布分手之後，李施嬅被指「開竅」，落力結交富二代，其緋聞對象包括胡杏兒嘅老公李乘德（Philip）、仁濟主席吳守基、澳門威尼斯人高層Reggie Martin等等，個個非富則貴。

唔理點樣，希望李施嬅早日揾到屬於自己嘅如意郎君，同埋期待《金宵大廈2》早日出街，希望李施嬅喺之後嘅事業上可以有所成就，期待佢嘅表演！。