前港姐王卓淇擁有逆天長腿同22吋小蠻腰，弗爆身材吸引大批宅男網民支持，又密密喺社交平臺曬福利，畀網民封為新一代宅男女神。
唔知係咪王卓淇呢排留喺屋企抗疫，竟然望落肥咗唔少，呢日佢喺社交平臺曬出跳舞片，見到佢平時瓜子臉嘅佢，塊面竟然闊咗唔少。
王卓淇自爆原來一直用秘技照呃Like：「竟然唔記得開瘦臉喇！」雖然係咁，仲有唔少網民力撐佢：「噉樣好自然好好睇，珠圓玉潤有福氣。」
提到王卓淇，其實佢喺2014年參加港姐爆冷獲得亞軍，之後就進入娛樂圈發展其演藝事業。
入行初期，王卓淇一直飾演茄哩啡角色，直到呢兩年喺劇集《全職沒女》、《十二傳說》入面有較重嘅戲份，特別係喺《十二傳說》演技大爆發，人氣急升。
據悉王卓淇出身富貴之家，王卓淇老竇喺大陸經營一家護膚品公司，其廠房嘅面積達到驚人五十萬呎，因此進入娛樂圈短短幾年嘅王卓淇，手持有超過600萬嘅物業。
唔理點樣，雖然王卓淇目前都唔算出彩，都係希望王卓淇喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
