「貼地港姐」馮盈盈繼較早時畀爆出同何猷亨上游艇開身P之后，呢排又爆出撇甩鄭衍峰同西裝男撐枱腳，吃餐下午茶仲要3000蚊，馮盈盈事后解釋只係向對方請教投資，唔係拍拖！
唔講唔知道，原來呢位西裝男原來好猛料，佢係大鴻輝興業地產執行董事曹展康（Bobby），姐夫係有「鋪王」之稱嘅梁紹鴻。
而且西裝男曹展康備受姐夫梁紹鴻重用，經常一齊出席重要場合，例如開幕儀式。舊年梁紹鴻丁母憂，曹展康家姐曹文晶以「媳」位列在訃聞上。
據悉馮盈盈同曹展康係通過朋友介紹而認識，身為地產界才俊嘅曹展康鐘意玩名車，收藏多部法拉利，不過為人好低調，最重要嘅係宜家仲係單身！
而今日，馮盈盈就喺社交平臺曬出藍天白雲照，睇嚟心情相當唔錯！
講到馮盈盈，其實佢喺2016年參選香港小姐競選，獲得冠軍入行短短三年，已經成功獲得「飛躍進步女藝員」獎項。
馮盈盈上位速度比2013年港姐冠軍嘅陳凱琳仲快，加埋馮盈盈比起陳凱琳更有觀眾緣，喺演技上更勝一籌。
馮盈盈入行之後備受TVB力捧，劇接劇之余仲要犧牲自我，喺幕前獻身，進取攻勢表誓向「TVB一姐」目標進發。
TVB睇到馮盈盈前途無量，主要簽賣身契做「TVB親生女」，肯搏肯畀嘅佢，最近正式升呢做女主角，同視帝陳展鵬開拍新劇《逆天奇案》。
喺《#後生仔傾吓偈》上，馮盈盈幾乎成為話題焦點，經常語出驚人，爆粗口已經係常事，但反而因為咁樣，觀眾覺得佢真性情，夠貼地。
唔理點樣，都係希望馮盈盈喺之後嘅事業上可以有所成就，期待佢嘅表演，加油！
Like MisshkNews Facebook！不出门也能知天下事～
