「偷食港姐」朱智賢（Ashley）畀爆背著謝東閔搭上有婦之夫黎振燁之後，雖然獲得男友謝東閔護航，但形象依然係直插谷底、事業急凍，包括《東張西望》主持工作亦都畀煞停。
朱智賢喺畀TVB雪藏期間鐘意咗行山，曾經先后去過太墩、玉桂山、柿子樹嘅佢，呢日更將難度再升呢，挑戰4大考牌路線之一嘅杯靈對渡，要登上屯門青山。
見到朱智賢走過嚴重風化嘅沙石路，其中佢更爬過一線脊，坐喺懸崖邊留倩影，凈係睇相個心都離一離！
而朱智賢對今次順利完成挑戰都好開心，更加預告有意行埋其餘3段考牌路線。
朱智賢留言話：「都唔知行咗幾多個山頭，早幾日山火，好彩無燒咗條繩，如果唔係真係要shur落去。」
講到朱智賢，其實佢喺2012年就報名參加咗香港小姐競選，但可惜喺初賽就畀人淘汰，2013年佢卷土重來，最終順利入圍成為20強，好彩嘅朱智賢獲得咗TVB高層賞識，順加入TVB發展其演藝事業。
啱啱入行嘅朱智賢同好多港姐一樣，從主持人開始做起，而朱智賢喺《東張西望》、《3日2夜》入面都有亮眼嘅主持表現。
後尾，朱智賢開始喺各大劇集有份參演，好似喺《愛情食物鏈》、《溏心風暴3》、《救妻同學會》等劇集都有佢嘅身影。
最后missH祝福朱智賢事業發展得越嚟越好！
Like MisshkNews Facebook！不出门也能知天下事～
