前港姐可以攞「TVB視后」，竟然系因為……

前港姐蔡思貝憑借《踩過界2》奪得「最佳女主角」榮升視后，當日上臺直言連自己都「唔鍾意自己」，入行7年就可以攞到視后，佢嘅唔單演藝事業有突破，感情生活都好精彩。

2019年尾，蔡思貝多次畀斷正影到同胡鴻鈞行街拍拖，雖然佢哋未有公開承認，不過胡鴻鈞人前人后大讚女友「好勤力、正面兼靚女」。

而胡鴻鈞更將親家姐嘅保時捷借畀緋聞女友蔡思貝開，舊年母親節，蔡思貝又跟住緋聞男友胡鴻鈞、胡媽媽一齊食飯慶祝，顯然已經成功融入胡家。

不過，據悉胡鴻鈞終于遇到「對手」，有指自從舊年蔡思貝拍完洗米華旗下集團嘅金飾廣告之后，蔡思貝馬上畀老板之一嘅阿Sam睇中力追。

呢位阿Sam名副其實係有錢佬，佢經常喺社交平臺炫富之外，最令網民嘩然嘅係，佢試過用限量版LV名牌箱裝滿一億現金。

另外佢嘅公司更加係TVB頒獎禮指定贊助商！

據悉，有米Sam嘅追求攻勢屬全天候，由舊年年尾開始，佢就貼身照顧女神蔡思貝，任由女方用自己嘅7人車同司機出入。

至於拍拖同蔡思貝一年半嘅胡鴻鈞，呢排佢同蔡思貝嘅關係似乎大不如前，蔡思貝攞到視后嗰晚，有記者問佢哋會唔會一齊慶祝，佢表示兩個人唔同范疇，一個音樂一個做戲，唔應該混為一談。 蔡思貝之后補鑊話佢哋係朋友，一定會約埋慶祝，胡鴻鈞由好朋友降為朋友，更畀強調屬「唔同范疇」嘅人，相信有米Sam追到女神機會都好大。