「TVB宅男女神」陳婉衡擁有36E誘人上圍，呢排佢同「TVB小生」方紹聰合作拍攝《野外步出》嘅時候，展現超強柔軟度。
陳婉衡喺繩網上凌空咁擘髀，又以雙腳夾實繩索向上游兼倒吊，十足「掛臘鴨」一樣，腳力相當驚人！
陳婉衡仲透露事前有特登練習，以至於傷痕累累，好彩拍完傷口先爆，之后隻手真係廢咗幾日先用得番！
講到陳婉衡，其實佢因為喺2012年參選港姐而入行，佢擔任《Go！YamaGirl》同《3日2夜》節目主持之後開始為人熟悉，佢更擁有36E魔鬼身材畀網民稱宅男女神。
陳婉衡平日都會分享一啲健身、旅行嘅靚相，雖然多數都係曬身材，但都抵擋唔住粉絲對佢嘅喜愛，好身材當然攞出嚟曬都無可厚非，或者都因為咁陳婉衡嘅粉絲數高達13.3萬。
而唔少網友都會抨擊陳婉衡，指佢喺社交平臺上放嘅相太過性感，對于言論比較刻薄嘅網友，陳婉衡就表示自己其實好樂觀，唔開心嘅狀態自己可以一下就較過嚟。
唔知道，你認為陳婉衡社交平臺上放咁性感相好嗎？
Like MisshkNews Facebook！不出门也能知天下事～
