「10A港姐」麥明詩舊年底淡出娛樂圈，轉行做法律顧問，呢日係佢嘅29歲生日，但喺生日前夕公司竟然開OT，一到晚上12點一班開OT嘅同事有愛送驚喜，為麥明詩送上蛋糕慶祝生日。
事后麥明詩喺社交平臺曬出慶祝生日嘅片段，又話：「喺生日加班嘅好處，你嘅同事都被逼喺半夜12時同你慶祝生日，但10分鐘之后，個個都重新開始工作。」
麥明詩仲話：「生日愿望係希望可以有多啲睡眠時間，打工仔認真唔易做！」
雖然麥明詩已經淡出幕前，但馮盈盈、陸浩明等昔日一班《#後生仔傾吓偈》主持仲記得佢，仲拍片同佢送上祝福。
講到麥明詩，其實佢喺TVB工作期間，拍攝過唔少電視劇，仲係TVB力捧對象，形象正面緋聞又少，唔鐘意夜蒲又聽話乖巧，呢種港姐係TVB高層嘅最愛。
麥明詩除咗拍劇之外，更拍攝過幾部電影，不過都係飾演啲小配角，但係對于一個新人嘅藝人嚟講，佢算係機會多多。
麥明詩其實係一個有計劃野心派嘅人，佢攞咗港姐冠軍驚畀人話係「花瓶」，諗住好好投入沉淀自己演技，不過4年時間過去，觀眾對佢嘅評價仲係一樣，無論點做佢都冇自己嘅代表作。
因此，麥明詩唔想再浪費時間喺演藝事業上，就喺舊年麥明詩放棄做「TVB親生女」轉簽一年一騷綠葉約，轉行做律師顧問。
但諗唔到嘅係，麥明詩淡出幕前先開始行運，皆因告別作《殺手》呢排熱播，佢憑借盲女角色大獲好評成功彈起，一場激動爆喊鬧爸爸嘅戲，連TVB視帝黎耀祥都畀搶鏡，演技獲網民激贊。
舊年淡出娛樂圈嘅麥明詩，佢日前上《#后生仔倾吓偈》做節目嘉賓，曾經埋怨過做白領好辛苦，而且收入過之前自己做藝人少咗一半，更傳聞佢想返TVB拍劇，主動向TVB高層樂易玲提出返娘家。
唔理點樣，都係希望麥明詩喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
