「島大女神」葉蒨文除咗喺熱播劇集《愛回家之開心速遞》演出，靠「島大女神」成功入屋之外，呢排佢喺《使徒行者3》同袁偉豪嘅「鴛鴦戲水」戲夠曬吸睛，令佢備受網民追捧。
不過原來葉蒨文早就已經「封盤」，皆因日前佢同男朋友拍拖睇傢俬，更體貼噉化身「骨妹」為男友揼骨松一松。
事后記者致電葉蒨文，佢承認拍拖2年幾，大家有共同嘅藝術興趣，加埋男朋友比大，思想成熟淡定，所以拍拖以來都好少有嗌交。
記者問到因為拍劇而少咗時間陪男朋友有冇被投訴？葉蒨文話：「依家市道唔好，佢做嘢仲忙，成日都好夜收工，反而冇時間陪我，不過大家都會盡量抽時間見面。」
記者講到呢排佢同袁偉豪「鴛鴦戲水」成為網民話題，男朋友有冇呷醋？葉蒨文笑住話：「唔會，佢好大方，亦都好信任我，佢好支持我做呢行。」
對於畀讚有潛力上位？葉蒨文話：「有人讚梗係開心，不過無論係讚定彈，都會努力去做戲。」
讲到葉蒨文，其实佢除咗有甜美外貌，更加係英國名校畢業生，獲封為美女學霸。
名校出身嘅葉蒨文喺中五畢業之後，佢去英國京安士頓大學修讀服裝設計，佢喺升中嗰陣曾經考獲咗北京舞學院中國舞12級。
2006年嗰陣葉蒨文參加香港小姐競選，選美結束之後佢修讀TVB藝員進修班，之後開始其拍劇生涯。
葉蒨文認為自己算係比較好彩：入行嗰年正值TVB用人之際，好多劇集都有份參演，演完呢套嘅路人甲之後就演嗰套嘅路人乙，曾經試過劇接劇拍攝，連續32個鐘都冇訓教，真係好有滿足感。
出身喺單親家庭嘅葉蒨文，佢中有一個家姐同一個阿哥，屋企人曾經唔支持佢入行，因為收入唔穩定而且工作辛苦。
不過，入行三年之後嘅葉蒨文獲得《愛回家之開心速遞》嘅Candy角色，據悉一開始呢個角色并冇名，最初呢角色叫同學甲，直到後期先寫成係Candy，慢慢成為一個連戲角色。
作為公眾人物，藝人嘅私生活都備受關注，葉蒨文對于感情事不嬲大方，一早已經公開自己有圈外男朋友，佢男友從事藝術行業，也鼓勵佢繼續留喺TVB發展。
唔理點樣，都係希望葉蒨文喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
