現年30歲嘅「TVB花旦」張曦雯英文流利，鬼聲鬼氣，但其實佢係屋邨妹，老竇係技工，媽咪就做美容工作，家境一半，而家佢仲要養家，供細佬讀醫科。
呢排劇接劇嘅張曦雯原來已經入行八年，2012年佢代表芝加哥出戰華姐，攞到冠軍之後簽約TVB。不過期間有4、5年完全冇劇拍。
好在張曦雯一向都有做司儀同主持，前年更喺芝加哥低調置業，買咗一個800呎湖景單位。佢話喺美國買樓比香港平好多，只需要三、四百萬就可以買到湖景單位，不過租金回報就比香港低。
張曦雯坦言將大部分收入交畀媽咪打理，佢話：「我努力做嘢嘅動力，都係想嗲哋媽咪生活舒服開心。」
張曦雯除咗要養家之外，亦要供細佬讀醫科，因為醫科出名學費貴，所以細佬坦言要努力讀書，第日賺錢養父母同埋家姐，因為佢覺得「家姐第日老咗唔靚，冇到做明星！」
講到張曦雯，其實佢喺2011年開始行選美路，喺2011年芝加哥華商會親善小姐比賽上勇奪冠軍同「最上鏡小姐」。
張曦雯喺2012年國際中華小姐比賽成為第一位奪冠嘅芝加哥佳麗，喺同年7月世界小姐競選多項單項賽中獲得排名，係25年嚟成績最好嘅香港代表。
由於張曦雯自細學移民芝加哥，畢業于伊利諾大學芝加哥分校企業管理系，所以講得一口流利英文，加入TVB之後成為明珠臺《Pearl Tonight》主持。
由於張曦雯做主持笑容好、口齒伶俐，因此而畀TVB高層賞識，獲邀請拍攝2016年處女作《律政強人》飾演律師，網民反應都偏向正面，「表現以新人嚟講已經好出色！」。
當年張曦雯憑《3日2夜》成為唔少男士心目中嘅女神，獲封新一代「TVB宅男女神」。
唔理點樣，梗係希望張曦雯可以繼續畀我哋帶嚟多啲更精彩噶演出，期待佢嘅表演！
Like MisshkNews Facebook！不出门也能知天下事～
