「TVB小生」遇上人生低潮，曾經用酒精自我麻醉

「TVB小生」袁偉豪較早前承認已經同前港姐張寶兒求婚，但原來佢喺過去一年遇上人生低潮，佢表示工作量大減，每日攤喺屋企要用酒精自我麻醉。

袁偉豪話：「無論自己嘅思想曾經係有幾正面，都會喺度諗自己曾經付出咁多嘅努力，甚至用上自己嘅生命同健康去演出，點解好似冇人識欣賞，所以就有一種想放棄嘅心態，日復一日，身體變得懶惰，內心變得冇自信。」

所以袁偉豪不停翻睇自己嘅作品，一路睇一路提醒自己，雖然年紀大咗，客戶都唔再有興趣揾佢做嘢，但我唔會放棄，曬操肌片決定重新振作。

唔理點樣，梗係希望袁偉豪可以繼續畀我哋帶嚟多啲更精彩噶演出，期待佢嘅表演！