「TVB小花」黃心穎自從舊年4月畀爆出孭住男友馬國明「偷食」人夫許志安之后，除咗事業同形象直插谷底之外，更被網民掛上「小三」之名。
事后黃心穎即時畀TVB「雪藏」，佢更一度避走美國到舊年底先返香港，但到而家仍然未有收到風佢可以復工嘅消息。
直到呢排，有指由黃心穎主演嘅《堅離地愛堅離地》卒之「解禁」，皆因劇集畀TVB安排出年出街，不過今日有傳TVB決定狠心「叮」走黃心穎，同佢提前解約。
據悉，TVB認為舊年出街嘅《丫鬟大聯盟》、《牛下女高音》網民對黃心穎依然負評如潮，長遠發展似乎有損公司利益，所以TVB決定提前佢解約。
事后黃心穎接受傳媒訪問表示：「單嘢有最新情況再同大家講、多謝關心。」
Like MisshkNews Facebook！不出门也能知天下事～
