TVB人才荒已經出現多時，實力派紛紛離巢，而綠葉喺TVB也得唔到上位機會，宜家嘅局面相當尷尬，所以TVB會出現連續幾部劇集同一個女主角，好似高海寧已經連續5套劇都有佢。
除咗高海寧之外，仲有前華姐張曦雯正處於力捧狀態，從舊年開始，TVB已經默默為佢搭檔咗各種TVB視帝級人馬，好似馬德鐘、郭晉安都有同佢有過對手戲。
而今年，張曦雯更喺《踩過界2》成功踢走女主角李佳芯，成功上位擔正做女主角，甚至比同劇嘅蔡思貝戲份更多。
《踩過界2》準備喺11月9日晚上8點半出街，張曦雯喺劇中飾演一個視障律師，開拍前已經同盲俠王浩信到盲人輔導中心學習視障人士嘅生活日常。
首次喺全黑世界中學習生活技能，張曦雯坦言開頭覺得好驚，又指為咗演活角色，事前有參考上一輯《踩過界》王浩信嘅演出。
擔正做女主角嘅張曦雯，喺新劇會化身女俠盲，更加會同上一輯一樣，代替李佳芯同王浩信喺雨中起舞，皆因呢場雨中共舞戲份，都係當年《踩過界》最受觀眾歡迎嘅一段，都係對上輯嘅致敬。
唔理點樣，梗係希望張曦雯可以繼續畀我哋帶嚟多啲更精彩噶演出，期待佢嘅表演！
Like MisshkNews Facebook！不出门也能知天下事～
