前港姐「偷食」淪為過街老鼠，死性不改爆鬧網民

現年34歲嘅前港姐朱智賢，啱啱入行嗰陣擔任娛樂新聞臺主播，2016年佢拍攝《3日2夜》憑借其豐滿身材備受網民關注，隨即畀力捧做《東張西望》主持人，曝光極高。

但朱智賢自己唔識珍惜，背住男友謝東閔喺四月底畀曝出「偷食人夫」黎振燁，據悉佢哋喺拍攝劇集《食腦喪B》日久生情，無法抽離角色。

事后喺記者招待會上，男友謝東閔喊住話原諒朱智賢，向觀眾為女友求情，謝東閔更慘被網民封為「綠帽俠」，皆因明知女友出軌，仲要幫佢求情求原諒。

相比之下，朱智賢全程哭相，好少回應記者問題，更重要佢冇對受害者之一嘅黎太太道歉，講對唔住，因此觀眾認為佢一啲誠意都冇。

為咗平息觀眾怒火，TVB即刻將朱智賢放入雪柜，雪藏多月，依然未獲解凍，曾經傳出朱智賢復出主持《東張西望》，但係就得新聞冇實際行動。

為咗挽回人氣，呢排朱智賢喺YouTube開設頻道拍行山郊游片，曬愛犬曬郊游等健康生活，見到朱智賢專登收起以往性感，更素顏上陣意圖洗走負面形象。

有網民留言重提佢做小三嘅負面新聞，又問係咪教我哋上山食蛋糕呀？不如改叫偷食記，仲有網民問：「點解要做人小三呀？明明自己有男朋友」。

隨即朱智賢態度寸爆網民話：「點解要留言呀？明明自己乜都唔知。」

呢排更有消息指出，朱智賢有份演出嘅新劇《踩過界2》未有畀刪走，睇嚟TVB未有趕盡殺絕，朱智賢雪足半年，終於見曙光。除咗《踩過界2》之外，朱智賢仲未出街嘅劇包括《愛美麗狂想曲》同《食腦喪B》。