TVB熱播劇集《愛回家之開心速遞》一直深受觀眾追捧，尋晚一眾演員出席宣傳活動，慶祝劇集將會沖破一千集，「TVB小生」周嘉洛仲話：「好開心，如果邁向2000集直頭係歷史。」
另外，日前《愛回家之開心速遞》劇情講到周嘉洛男扮女裝，成功引起觀眾留意，獲得網民大讚亦令觀眾覺得佢靚過好多女仔。
周嘉洛話：「我都冇睇呢集，我都唔知道自己表現成點樣，呢個係化妝師功勞，相信佢哋真係化廢為神奇，呢個都係一種新嘗試，好開心，所以絕對唔會抗拒。」
令周嘉洛意外嘅係，呢排佢畀網民熱捧可以做周星馳接班人，周嘉洛直言不敢當，始終周星馳先生太勁啦，我絕對唔能夠同佢比。
講到周嘉洛，其實周嘉洛舊年喺《愛回家開心速遞》飾演廢青金城安成功入屋，成功爆冷奪得最佳男配角。
據悉，年僅24歲入行先3年時間，周嘉洛係歷年嚟最後生嘅得獎者，其實喺《愛回家》入邊冇乜配角可分，因為每一集嘅劇情都唔同，主角配角戲份都會有變化。
不過，從TVB噉嘅安排可以得知，周嘉洛距離一線小生位置更近一步，論外形周嘉洛唔算特別出色，但觀眾緣特別好，同TVB視帝馬國明有相同之處。
不過周嘉洛好彩得多，24歲嘅佢已得到TVB高層賞識，有一啲天然呆兼百厭，社交人際亦比馬國明活躍。
據悉，周嘉洛似足初啱啱出道嘅馬國明，為人正面樸實，同臺前幕後都保持非常好嘅關係，TVB高層亦將佢作為馬國明接班人嚟培養。
而家周嘉洛嘅戲份畀加重，日日拍到冇停手，劇集一個星期播足七日，周嘉洛曝光率高，成為當紅「TVB小生」，唔理點樣，都係希望周嘉洛喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
