前港姐陳雅思今年6月尾宣佈離巢之後就專心發展瑜珈事業，宜家佢係專職瑜珈教練，一路注重健康飲食嘅佢身形Fit爆，更經常分享靚相，好身材令一眾女仔都好羨慕。
呢排陳雅思曬出一輯著住Sport Bra加白色西裝外套嘅相，雖然睇落好斯文，但原來內有乾坤，以蹺妙方法大騷好身材！
陳雅思接受記者訪問，傾到今年6月低調離巢，佢話：「我有同TVB溝通，佢哋話通常藝人走都唔會專登去挽留。」
對比起同屆港姐馮盈盈、劉穎鏇、蘇韻姿，陳雅思喺幕前嘅機會似乎好少，佢坦言從來冇比較過。
提到陳雅思喺《荷里活有個大老千》飾演蕭芬芳備受贊賞，佢笑言：「我唔敢再睇，因為見到自己喺到演一個角色怕醜，但係一個好好嘅經驗。」至於記者問到嘅TVB薪酬待遇，佢就話：「都OK，好彩都有啲出面嘅工作。」
陳雅思又傾到希望跟住可以專注發展瑜珈事業，因為佢呢排已經設立咗自己嘅品牌「Mind BONNIE Soul」。
唔理點樣，都係希望陳雅思喺之後嘅事業上可以有所成就，期待佢嘅表演！ 
Like MisshkNews Facebook！不出门也能知天下事～
