「TVB小生」醉駕失控撞石壆，拒做酒精檢測被捕

據悉，今日淩晨一部平治房車突然間失控越過對面嘅行車線撞向防護欄，隨著慣性平治房車一直逆行咗大概60米，失控撞到石壆停低，路過嘅司機見到紛紛拎出手機報警。

警員到達現場之後，發現肇事司機竟然係「TVB小生」楊明，現場消息指出，楊明當時成神酒氣，行路都行唔穩，楊明更拒絕做酒精檢測，之後畀警員送去醫院治理。

事後，楊明嘅女朋友莊思明，同埋親家姐莊思敏到場了解情況，警方就單嘢展開跟進。

畀送往醫院嘅楊明一直未有現身，醫院現時有唔少傳媒等候，但原來楊明已經畀保釋後秘密閃人，據悉佢需要喺9月上旬向警方報到。

潛水咗一日之後，楊明終于「蒲頭」親自回覆傳媒，佢以短訊表示：「宜家身體狀況良好，冇事。」但再問到事發經過，就冇再回應。

而記者致電楊明女友莊思明嘅時候，親家姐莊思敏代為接聽，并表示唔方便回應。

據悉，楊明宜家身處女友莊思明嘅山頂道寓所，而現場已經有唔少傳媒等候，至於馬己仙峽道事發現場，畀楊明撞爛嘅位置有攔河圍住。