前「TVB新聞小花」放棄拍大肚寫真，取消產前派對

前「TVB新聞小花」宋熙年今年3月尾宣佈為老公陳智燊懷上第二胎，疫情下佗B嘅佢非常小心，更為咗自身同親人安全，取消拍攝大肚寫真以及放棄舉行產前派對。

宋熙年尋晚喺社交平臺分享兩年前首次佗B嘅大肚寫真，透露原本計劃今個月舉行產前派對、接受胎兒性別檢查、拍攝大肚寫真，但而家已經統統取消咗。

宋熙年講∶「係人都知道，香港喺過去幾星期嘅新冠肺炎確診畸士急增。我唔知點輕描淡寫，但保護自己同屋企人係決于你自己。冇咩比我哋嘅平安更重要，冇咗平安，我哋無法享受生活中其他更美好嘅事物。」

讲到宋熙年，其实佢喺上年7月嗰陣宣佈離巢TVB，宋熙年係喺2007年代表澳洲悉尼參加國際中華小姐競選，獲得冠軍之后加入TVB。

由於口才了得，入行初期就成為咗節目《東張西望》嘅主持之一，多年嚟宋熙年喺TVB主持過嘅節目超過30幾個，係TVB一線女主持人。

雖然陳智燊比宋熙年大8歲，但兩個人都有喺海外長大嘅經歷，有共同語言，兩個人離巢后轉行做KOL網紅，喺社交平臺分享產品、旅游趣事、食譜等等影片，有時接司儀工作，上演舞臺劇。

據悉，陳智燊、宋熙年兩公婆平均每個人月收入有15到20萬，合計共40萬左右，有時仲會同小朋友一齊出鏡，將一家三口嘅幸福生活展現喺網友面前。

missHk好鐘意陳智燊、宋熙年呢對夫妻，祝福BB順利出世。