TVB熱播劇集《殺手》題材新鮮，獲得唔少觀眾好評。劇中反派黑社會大佬李成昌心狠手辣，而前港姐樊奕敏就飾演佢老婆，同佢出生入死，甚至更替佢擋刀，認真有情有義。
現實生活中嘅樊亦敏都有情有義，2011年前武打明星劉家輝中風，妻離子散分身家，前助手更加係騙財後失蹤，多得樊亦敏仗出錢出力救命，更幫佢將前助手告上法庭，最後成功追討財產。
講到樊亦敏，其實佢喺1991年參選港姐，雖然三甲不入，但因為亮眼外形受到注目獲得最上鏡小姐，當年港姐冠軍係「美貌與智慧并重」嘅郭藹明、季軍就有蔡少芬。
選完港姐之後樊亦敏加入TVB拍劇，第一部作品係《他來自天堂》，佢飾演第三女主角余慈恩一角，之後佢陸續拍過唔少劇集《龍兄鼠弟》、《大捕快》、《娛樂插班生》等劇集。
樊亦敏又曾經同古巨基、梁榮忠拍乸主持《勁歌金曲》，更曾經被導演爾冬升睇啱，同小龍女李若彤一齊合作參演電影《青春火花》，可惜始終未能走紅。
自覺事業不過不失嘅樊亦敏，感恩遇上《愛回家之開心速遞》三姨太呢個好角色，而且監制亦給予佢好大空間。
現年49歲嘅樊亦敏喺愛情路上一直未有收獲，到而家仲係單身。佢公開承認過嘅男友就得何寶生，佢哋因為拍攝《武狀元蘇燦》相識相愛。
樊亦敏同何寶生拍拖嗰陣，何寶生對佛學萌生興趣，2005年喺大嶼山寶林禪寺出家，佢哋始終有緣無份。
樊亦敏坦言一直都有追求者，只係戀情往往無疾而終，全因為佢自卑心作怪，佢受訪時坦言拍拖到咗某個時候就「主動斬纜」。
樊亦敏話：「可能我錯過咗好多段感情，但已習慣咗，所以冇乜感覺。而家雖然單身，但可以做自己鐘意嘅事，已經覺得好開心。」
Like MisshkNews Facebook！不出门也能知天下事～
