病毒入侵娛樂圈，多位藝人密切接觸極高危

隨著新冠肺炎喺香港疫情反彈，疫情嘅嚴峻搞到人心惶惶。現年24歲嘅新人女歌手施匡翹，今日證實確診新冠肺炎，佢同經理人Apple同宣傳人員共3人集體中招，施匡翹成香港首宗確診藝人。

據悉，女新人施匡翹每個禮拜都會同Apple姐學唱歌，另外佢每個禮拜都會去尖沙嘴酒廊唱歌做節目，所以佢哋呢個感染群組牽涉好廣。

事後記者致電施匡翹，佢直認「賴嘢」，佢禮貌回應：「我而家喺醫院，啱啱做咗檢測，檢測呈陽性，而家等緊醫生安排，唔方便回應住，多謝關心。」

消息一出，搞到娛樂圈人心惶惶，當中最擔心嘅應該係薛凱琪，因為佢呢排同施匡翹有親密接觸，日前見到施匡翹同薛凱琪頭貼頭。

而施匡翹尋日亦有出席同門師弟謝高晉嘅音樂會，同場仲有蔣嘉瑩、雷深如（J.Arie）等歌手。

另外，何雁詩同施匡翹係同門師姊妹，而何雁詩曾經同「中招」宣傳人員食飯，令何雁詩亦成高危人士。

最後，missHk呼籲大家都要好好的，勤冼手、進出人多的密閉空間一定要戴上口罩，保護自己也保護大家，祈禱疫情能早日結束，大家都能盡快恢復正常生活，一起努力一起加油。