前港姐朱智賢（Ashley）畀爆背著謝東閔搭上有婦之夫黎振燁之後，獲得男友謝東閔護航，形象依然係直插谷底，事業急凍，包括《東張西望》主持工作亦都畀煞停。
不過朱智賢坦言永不言敗，停工期間佢做運動裝備自己，據悉呢排佢已經獲得TVB高層「解封」，準備重返《東張西望》主持，忘掉不快事，轉過靚身從頭再來！
而對於謝東閔喺訪問中對佢愛護有加，朱智賢話：「多謝關心！我唔回應！」
講到朱智賢，其實佢喺2012年就報名參加咗香港小姐競選，但可惜喺初賽就畀人淘汰，2013年佢卷土重來，最終順利入圍成為20強，好彩嘅朱智賢獲得咗TVB高層賞識，順加入TVB發展其演藝事業。
啱啱入行嘅朱智賢同好多港姐一樣，從主持人開始做起，而朱智賢喺《東張西望》、《3日2夜》入面都有亮眼嘅主持表現。
後尾，朱智賢開始喺各大劇集有份參演，好似喺《愛情食物鏈》、《溏心風暴3》、《救妻同學會》等劇集都有佢嘅身影。
最后missH祝福朱智賢事業發展得越嚟越好！
Like MisshkNews Facebook！不出门也能知天下事～
