前「TVB新聞小花」陳嘉倩呢幾年轉行做網紅KOL，唔少宅男拜倒喺其石榴裙下，人紅自然是非多。呢排有網民暗指佢臭寸扮大牌、貪慕虛榮濫收兵。
面對網民嘅指控，陳嘉倩表示：「原來依家冇證據就可以隨便定義一個人嗎？」
日前，陳嘉倩到ViuTV節目《有酒今晚吹》做嘉賓，佢自爆喺TVB做主播期間，有次去卡拉OK聚會之後，隔咗冇幾耐，有位男藝人向佢示愛。
當主持追問陳嘉倩對方係主持定藝人嘅時候，陳嘉倩就話對方同樣鐘意飲酒，係一位「全能男藝人」。
今日有報道指，呢位「全能男藝人」就係崔建邦，當佢力追陳嘉倩，更有指佢哋曾經一齊喺電視城食飯「撐枱腳」，陳嘉倩從朋友口中得知崔建邦身邊女伴猶如走馬燈，最終婉拒佢嘅追求。
對于有報道指呢位「全能男藝人」，今日記者向陳嘉倩求證，佢話：「唔係呀，唔該唔好亂傳，費事影響到唔關事嘅人，多謝。」
Like MisshkNews Facebook！不出门也能知天下事～
