「天王嫂」淡妝迫地鐵，獲網民激贊貼地！

現年32歲嘅大陸模特兒方媛（Moka），自從喺2017年成為郭富城太太之後，佢三年抱兩生落兩個囡囡，結婚之後相夫教女，同時積極融入香港生活。

今日，城嫂方媛喺社交平臺貼出咗一張自拍照，見到佢戴住口罩，長發披肩，著搭簡約，只畫咗眉毛，妝容極淡，身處人來人往嘅地鐵站，留言話∶「落班高峰，haha我似唔似上班族。」

係人都知道，郭富城擁有多部名車，更曾經被拍到揸林寶堅尼落銅鑼灣買尿片畀囡囡，估唔到雖然郭富城嘅名車多到數唔到，但城嫂竟然願意迫地鐵出入，獲網民大贊夠貼地。

有網民留言∶「做全職太太幾無聊啊，自己仲係需要有自己嘅嘢做。」方媛亦有留言回應對方：「我係上班族啊！」

方媛較早前喺微博曬咗幾張參加朋友生日Party嘅相，當中包括臺灣女星吳佩慈，即刻惹來網民討論，并指方媛終于成功進入名媛圈。