相信睇TVB劇集長大嘅觀眾，最希望離巢嘅TVB小生、花旦回巢拍劇，繼鐘嘉欣回巢拍劇之後，呢排又有好消息傳出，前「TVB小花」周家怡確認回巢，而且佢仲喺《兒童醫院》擔正女主角。
周家怡通過經紀向傳媒確認，係會參與拍攝劇集《兒童醫院》，至於其他嘢就交畀TVB嚟公佈，佢表示心情一定係開心同愉快，因為好耐冇再同TVB合作過。
周家怡喺1998年從TVB藝員訓練班畢業之後，佢一直以配角嘅身份出現喺劇集里面，後尾佢因為喺重頭劇《火舞黃沙》中飾演兔唇少女而人氣急升，佢更攞到當年飛躍進步女藝員殊榮。
雖然周家怡喺TVB參與拍攝過好多部劇集，但一直未能獲得過重用，佢喺2012年選擇離巢，離巢之後嘅周家怡發展得唔錯，佢喺香港電視網絡劇集《導火新聞線》首次擔正做女主角。
周家怡喺2016年參與ViuTV開臺劇集《瑪嘉烈與大衛系列 – 綠豆》飾演女主角瑪嘉烈，再度引起網民關注，人氣急升。
2019年周家怡更加係憑借電影《無雙》，榮獲第38屆香港電影金像獎最佳女配角提名，可以講係佢嘅演技受到肯定。
呢幾年嘅經歷，周家怡也從配角成長到女主角，同時佢獲得咗金像獎嘅肯定。呢次回巢，周家怡即刻升呢做女主角，期待佢嘅表演！
Like MisshkNews Facebook！不出门也能知天下事～
