舊愛馬國明同靚湯拍拖，黃心穎死性不改私會人夫

「安心偷食」單嘢發生過去有14個月，同黃心穎分手嘅馬國明感情已有著落，日前馬國明同湯洛雯齊齊高調喺社交平台宣佈「小馬與獨角獸」之戀，好友同網民紛紛送上祝福。

而「安心偷食」單嘢嘅男主角許志安，都獲得太太鄭秀文原諒之後重新出發，喺尋日（6月15號）正式復工，為ViuTV音樂節目擔任嘉賓。

至於「安心偷食」單嘢嘅女主角黃心穎，雖然事業方面依然「冇運行」，停工14個月嘅佢到而家仲未有機會復工，但感情生活似乎有起色。

繼今年2月份嘅黃心穎畀傳媒踼爆同RubberBand鼓手泥鯭（黎萬宏）行寵物店之後，喺尋日許志安復工之際，黃心穎再畀傳媒發現泥鯭陪黃心穎帶唐狗睇獸醫。

據悉，泥鯭身邊朋友都有提醒佢謹慎處理同黃心穎呢段關係，但泥鯭繼續一意孤行同黃心穎來往，對于係咪同泥鯭展開新戀情，黃心穎就表示：「唔回應，上次已經答咗，多謝關心！」

事件曝光後泥鯭馬上現身澄清其「人夫」身份，直指舊年同已訂婚圈外女友戀情告吹，不過卻未有否認與黃心穎是否正在發展。其實今年2月份黃心穎同泥鯭就到寵物店畀影到之後，黃心穎就對外聲稱同泥鯭只係朋友，而泥鯭就回應舊年強調目前單身，其他一概不作回應。但佢地呢次佢哋再畀發現來往，令戀情睇落更疑幻疑真。