《愛回家之開心速遞》雖然捧紅咗唔少藝人茄喱啡，但係佢哋仲生存喺底層之下，喺香港呢個高消費高物價嘅地方，按照茄喱啡薪酬根本生存唔到落去，因此好多人藝人除咗做戲之外仲有做兼業。
好似謝止倫除咗做戲之外佢仲做兼職幫補家計。
喺冇豪門支撐、冇光環加持，佢哋唯有靠自己，當然唔係每個人都好似戲中飾演廢青安嘅周家洛咁好彩，後生細仔就已經攞到最佳男配角，未來星路無限量。
現年26歲嘅「TVB小花」梁茵，佢喺《愛回家之愛心速遞》飾演嘅威龍潘金蓮Anita而為人熟悉，其實佢已經入行7年，係TVB第26期TVB電視藝員訓練班嘅學員。
對于梁茵選擇進入娛樂圈，梁爸爸一開始唔同意，因為佢覺得娛樂圈太復雜，唔啱品性單純嘅梁茵。
而媽咪就比較開放，更幫梁茵勸說梁爸爸，向梁爸爸灌輸「人生係個女嘅，應該由佢自己選擇」嘅概念，久而久之爸爸嘅態度開始轉變，從以前反對得梁茵進入娛樂圈，變咗而家成咗個囡囡嘅頭號粉絲。
梁茵進入娛樂圈之前，佢曾經係做過模特兒，當時一齊參加活動嘅模特個個身高超過170，令身高得162cm嘅梁茵略顯嬌小，更有人笑佢係「哈比人」，導致梁茵對自己身高好介意。
所以每當有人問梁茵「點解唔去選港姐？」，佢都會因為自己嘅身高而表現尷尬冇自信。
而呢排梁媽媽患上咗耳水不平衡等各種病患，梁茵為咗想媽咪可以專心養病，索性讓媽咪唔好再打兩份工，梁茵更一度想放棄演藝夢想搬返屋企照顧媽咪，但好在梁媽媽一再鼓勵以及無條件支持，讓佢咬緊牙關捱過去。
唔理點樣，梗係希望梁茵可以有多啲工作機會，畀更多觀眾認識，期待佢嘅表演！
Like MisshkNews Facebook！不出门也能知天下事～
