前「TVB花旦」黎姿（Gigi）同細佬黎嬰不嫐感情深厚，黎姿多年嚟對細佬一直愛護有加，黎嬰喺2007年不幸發生車禍，導致半身癱瘓。
黎姿不惜退出娛樂圈照顧細佬以及幫手打理佢嘅醫學美容生意，更將集團成功上市，愈做愈大。而黎嬰嘅病情亦有好轉，已經可以企起身。
尋日（6／6）孝順女黎姿喺社交平臺上曬出三代同堂嘅全家福，見到黎姿同父母、細佬以及三個仔女出街游船河，大家都露出燦爛嘅笑容，認真幸福溫馨。
另一張就係黎姿搭住細佬膊頭拍嘅合照，幸福又溫馨，佢仲留言話：「鐘意同埋屋企人一齊嘅時光，因為佢哋畀我好多正能量，感覺係安全，放松，愉悅。」
網民都有大贊黎姿佢哋係幸福的一家。而張栢芝亦有留言：「你個心地又善良、樣又靚，你愛護屋企人嘅愛係我哋每一位都值得學習嘅！上天一定會眷顧你身邊每一位你愛嘅人。」
Like MisshkNews Facebook！不出门也能知天下事～
