「TVB小生」黃宗澤喺熱播劇《飛虎之雷霆極戰》中飾演ATeam成員汪Sir，身為前MI6特工嘅佢唔單止身手敏捷，而且高大威猛，大受觀眾歡迎！
黃宗澤健碩嘅身形梗係離唔開平時佢嘅努力，日前佢喺社交平臺曬出咗一條做健身嘅影片，竟然意外引來張柏芝留言！
黃宗澤仲喺社交平臺留言：「係時候操下啦！見到佢喺教練指導下做出一連串動作，唔少網民都留言大贊黃宗澤好型！」而最驚喜嘅係張柏芝留言話：「好耐冇見呀，好努力喔，唔怪得保持得咁大隻啦。」 
其實張柏芝同黃宗澤相識22年，佢哋都係喺1998年拍攝陽光檸檬茶廣告而入行。當年18歲嘅張柏芝喺經理人嘅安排下接拍呢個廣告，佢同黃宗澤喺廣告中都以學生造型示人，廣告出街之後引來各界注意，紛紛表示驚為天人！
而當年讀咁中六嘅黃宗澤亦獲經理人公司睇啱，但佢想先完成中七課程之後先決定加唔加娛樂圈，直至1999年喺古天樂嘅經理人介紹下簽約TVB。
當年黃宗澤、張柏芝嘅青澀學生裝成為集體回憶，而張柏芝同黃宗澤呢幾年各有各發展，張柏芝亦已為人母！
之後張柏芝更畀周星馳欽點成為電影《喜劇之王》嘅女主角，可謂係最成功嘅陽光妹。
Like MisshkNews Facebook！不出门也能知天下事～
