鐘欣潼（阿嬌）喺5月8日爆出同臺灣「醫界王陽明」賴弘國離婚，結束唔到兩年嘅婚姻，賴弘國大爆離婚原因嘅係「佢唔愛我」，但阿嬌嘅好姊妹就爆料指因為賴弘國經常夜蒲偷食，引發雙方關係破裂！
阿嬌離婚之後一直閉關，未有公開蒲頭，直至日前終于首度現身蒲頭，阿嬌離開灣仔英皇公司，見到佢身形似乎日漸消瘦，但精神好似唔錯。
記者上去問阿嬌現時係咪平復心情可以工作，仲有冇同賴弘國聯絡等問題？但阿嬌即時黑面，全程cool爆未有回答問題，期間一度皺眉，佢仲一支箭沖上車離開。
另一邊，日前賴弘國就曬出一條同男性朋友打羽毛球嘅片段，仲發文表示：「開心羽毛球日，最近迷上羽球，開心嘅運動，認真開心。」
Like MisshkNews Facebook！不出门也能知天下事～
