「TVB小花」自爆一日畀性騷擾兩次，直言超級嬲

「TVB小花」吳沚默（MoMo）尋晚喺社交平臺發長文，透露佢喺銅鑼灣一日畀人性騷擾兩次，自己非常嬲同憤怒，亦希望女仔們出街，一定要小心保護好自己。

而且吳沚默仲話嫌疑人伸手指督我的下體。貼文發布之後，一眾圈中好友都有留言安慰，叫佢要小心同保護好自己。

講到吳沚默，其實佢喺大陸珠海長大，曾經就讀香港浸會大學電影學院電影電視係，自細就鐘意寫作嘅佢，喺2012年加入TVB藝員訓練班，并獲得王祖藍提攜，喺劇集《老表，你好hea！》中飾演醜女烏笄而為觀眾熟知。

之後吳沚默仲參演咗《實習天使》、《老表，畢業喇！》、《逆緣》、《十二傳說》等劇集，角色大多數都係客串，舊年喺《白色強人》中飾演護士一角，有較重戲份，再次受到觀眾注意。

其實吳沚默除咗拍戲之外，都有繼續發揮寫作所長，佢同時擔任編劇同作家，為唔少電影寫劇本同小說搵錢，名副其實係一個才女。

而呢排吳沚默更有機會演出重頭劇《刑事偵緝檔案5》，佢透露呢次喺劇中飾演一個心理變態女同志，佢同戴祖儀、惠英紅有好多對手戲。

吳沚默最後仲透露喺呢部劇里面每個人都有一啲心理疾病，自己而家都努力做功課，學習要點去演繹好呢個角色，期待吳沚默嘅新劇，祝《刑事偵緝檔案5》拍攝順利，早日出街。