前港姐馮盈盈舊年年尾恢復單身，宣佈同醫生男友Martin結束4年情之後，馬上傳出同鄭衍峰火速撻著，佢喺節目《#後生仔傾吓偈》更公器私用欽點對方做「男友」。
不過今日有傳媒影到馮盈盈出海，同行嘅居然係賭王兒子何猷亨！
呢兩個月馮盈盈同鄭衍峰睇似經常隔空傳情，又接受訪問時出口講到對方符合自己擇偶條件，但可能係煙幕！
今日有傳媒影到馮盈盈現身深灣游艇會，居然見到何猷亨現身，佢哋前後腳入場登上億元豪華游艇開派對，喺船上雖然只有二三十人，但馮盈盈同何猷亨經常互望，又經常咬耳仔，好似熱戀中男女。
馮盈盈半夜兩點幾喺社交平台曬出出海照，就係同何猷亨同場嘅一日，不過張相係江嘉敏幫佢揸機拍攝。
其實何猷亨特別鐘情港姐，2015年佢同陳瀅同游日本令戀情曝光，之後又傳出搭上劉佩玥，更喺社交平台公開示愛激讚陳凱琳為女神，身為港姐冠軍嘅馮盈盈梗係符合佢嘅擇偶條件。
事後，馮盈盈更喺社交平台留言：「大家真係只係朋友，冇默認更加係否認，請大家唔好諗多咗，唔想再添花邊新聞。」
Like MisshkNews Facebook！不出门也能知天下事～
