「TVB小生」娶有米老婆，年尾身家變3億！

較早時，現年39歲嘅前香港先生袁偉豪（Benjamin）宣佈同28歲港姐女友張寶兒（Bowie），聯名以7000萬購入清水灣傲瀧豪宅，正式升呢做豪宅業主。

係人都知道TVB底薪唔高，加埋袁偉豪都係呢幾年先升上一線擔正做男主角，而張寶兒仲算新人，所以有唔少人好奇佢哋點解可以買得起7000萬嘅豪宅。

今日就有報道解開佢哋可以購入豪宅嘅謎團，據悉全因為張寶兒有個富豪爸爸張煌煌，身家幾億嘅張煌煌，喺大陸擁有龐大嘅內衣生意，加埋投資有道，手持數億物業，足以令兩個女生活無憂。

據悉，由於張寶兒嘅父母好鐘意袁偉豪，加埋老人家好恨抱孫，希望佢哋可以早日拉埋天窗，所以決定以嫁妝形式為佢哋畀4000萬首期，令佢哋可以購入價值7000萬、2000幾呎嘅傲瀧單位嚟做婚前同居同生細路之用。

對于女家畀大份首期一事，張寶兒接受訪問時仲維持男友面子避談呢件事，只講到豪宅係兩個人一齊供款。

袁偉豪同張寶兒拍拖三年一直都好恩愛，2018年袁爸爸因病過生，當時張寶兒陪伴在側，同袁偉豪一齊捱過至親離開嘅傷病，所以袁偉豪一早視女方為結婚對象。

今次難得未來外父開綠燈，有機會做三億駙馬嘅袁偉豪亦唔敢怠慢，已經計劃好結婚計劃，有指佢本來打算喺今年初同張寶兒去非洲影結婚相，然后年尾舉行婚禮，不過因為疫情關係而打亂咗計劃，焗住要取消。

據悉，現時袁偉豪正在全身心籌備咁年尾嘅婚事，佢希望到時可以畀女友一個驚喜難忘嘅婚禮。