「TVB小生」畀港姐老婆拖累，全面停工隨時畀炒！

「TVB小生」林師杰憑借第一屆《超級巨聲》入行、人稱「木偶哥」嘅佢喺TVB等機會10年，最近喺啱《十八年後的終極告白》中戲份唔輕，唔少網民對林師杰嘅演技大表驚喜。

不過《十八年後的終極告白》出街到大結局，TVB舉行多次大型宣傳活動，林師杰一次都未有出席，令人覺得詫異。據悉TVB當佢透明，係因為佢畀港姐老婆歐陽巧瑩嘅政見言論所累，全面停工隨時畀炒！

歐陽巧瑩舊年10月宣佈退出幕前，《金宵大廈》係其告別作，日前佢暴肥20磅肚凸凸，被誤會大肚，佢形容係幸福肥，更加豪言「生得幾多得幾多」。

今年3月，言行舉止不嬲出位嘅歐陽巧瑩同TVB正式約滿，揚言得到解脫，恢復自由身之後，歐陽巧瑩言論愈嚟愈激進，更有從政打算，計劃4年後參選區議員，備受爭議。

「畀隱形」嘅林師杰對老婆百分百支持，雖然佢從未作過任何表態，但夫妻禍福同享，多多少少對佢造成影響！

林師杰同TVB除咗有經理人合約，亦同星夢有歌手合約，舊年獲欽點唱劇集《十二傳說》主題曲《傳說》，反應不俗，本來星夢有意捧佢，點知道突然畀叫停，就連準備出街嘅新歌都不了了之，宜家就得番支持《勁歌金曲》。