由前「TVB花旦」李施嬅主演嘅TVB懸疑劇集《金宵大廈》，雖然係小成本制作，但意外成為咗舊年TVB最受歡迎劇集，呢部劇通過十個精彩嘅單位古仔備受觀眾歡迎同支持。
除咗李施嬅嘅演技備受觀眾贊賞之外，劇中配角都有精彩演出，好似「TVB小花」高海寧以及「TVB御用癲婆」趙希洛都係成功吸引觀眾嘅眼球。
而趙希洛更加係憑借呢部劇，入行十幾年嚟首次提名《萬千星輝頒獎典禮》最佳女配角，并成功奪得呢個殊榮。
但可惜嘅係《金宵大廈》凈係得20集，當初好多觀眾都嗌仲未睇夠，因此呢部劇大結局之後，一度傳出隨時準備開拍第二部。
對于《金宵大廈2》，大家最關注嘅梗係演員陣容嘅問題，男主角陳山聰嘅回歸自然唔使多講，至於女主角方面就一直係個謎，由於李施嬅已經喺舊年4月份離巢，兼夾宣佈向外國發展自己嘅演藝事業。
然而呢排就有消息傳出，《金宵大廈2》已經確定喺今年8月開拍，而最值得期待嘅女主角李施嬅，佢已經應承咗TVB高層嘅邀約，同男主角陳山聰再續前緣。
據悉李施嬅呢次選擇回歸拍攝《金宵大廈2》并非易事，佢TVB開出三大條件。
第一個條件就係佢一定要睇劇本，了解成個故事發展嘅脈絡，話曬第一部當中男女主角嘅感情線都算係比較圓滿。
第二個條件就係要求原班人馬參演，因為李施嬅覺得噉樣會更加有默契，觀眾都好快可以入戲。
而第三個條件就係要求高層投資多啲經費喺劇組當中，話曬第一部嘅經費實在有限，好多道具同場景睇落都比較簡陋。
唔理點樣，非常期待《金宵大廈2》早日出街，梗係更加期待李施嬅嘅強勢回歸！
Like MisshkNews Facebook！不出门也能知天下事～
