前「TVB花旦」宣佈結婚，舊年曾炮轟喺TVB拍劇好痛苦

前「TVB花旦」蘇玉華同有「劇團王子」之稱嘅潘燦良結婚，兩個人結束24年愛情長跑，喺本月5日正式簽字注冊登記結婚，有記者致電蘇玉華恭喜佢結婚，不過低調回應話：「對唔住，我唔想講。先咁樣啦。」

蘇玉華同潘燦良早喺香港演藝學院讀書嗰陣已經開始拍拖，可以講係識于微時，大家都同樣對舞臺劇有興趣，因為志趣相投因而慢慢行埋一齊，後來兩個人加入香港話劇團。

潘燦良曾經喺一次訪問中係噉形容蘇玉華：「見到蘇玉華好似見到陽光，潘燦良自覺兩人性格雖然唔似樣，但係大家都好啱傾。」而談及兩個人嘅婚期，潘燦良坦言因為懶而遲遲未結婚。今年終于拉埋天窗，呢到恭喜兩位！

蘇玉華係前「TVB花旦」，舞臺劇出身嘅佢早年客串演出舞臺劇《我和春天有個拍拖》，由于表演出色獲TVB簽約成為旗下藝人。

入行之後嘅蘇玉華一直喺舞臺劇同電視圈中發展，主演過《真情》、《蘭花劫》、《大冬瓜》、《同事三分親》《王老虎搶親》等經典劇集。

舊年蘇玉華曾經接受傳媒專訪，自爆喺TVB咁多年嚟係佢人生最痛苦嘅階段，因為拍戲日日顛倒，密密麻麻嘅工作連瞓覺嘅時間都冇，特別係早期簽嘅係藝人合約，又係新人，所以乜工作都要做，仲唔可以唔做。

蘇玉華仲坦言自己有一半時間都喺到拍垃圾片，佢話自己付出咗咁多，卻係喺到拍垃圾片，呢個係得不償失，後尾蘇玉華覺得唔係辦法，於是考慮離開TVB。

而蘇玉華喺2016年拍攝完《平安谷之詭谷傳說》之後，正式約滿離巢TVB，但佢都坦言之後如果遇上鐘意嘅角色同劇本，依然可以再次同TVB合作。

唔理點樣，宜家見到蘇玉華同潘燦良咁幸福，真係替佢哋開心，祝福你哋永遠幸福快樂喔。