落選港姐畀封為TVB秘密武器，運動爽朗形象深得人心

TVB不嬲都係重視港姐大於藝員訓練班，唔少視後其實都係港姐出身，比如佘詩曼、胡杏兒等。喺啱大結局嘅《機場特警》中，港姐亞軍出身嘅何依婷，呢部劇係佢第一次拍攝嘅作品，演技唔算太差，都有亮點。

而落選港姐同樣有機會，甚至比三甲仲多機會，現年25歲嘅何泳芍（HONEY）擁有一身古銅色肌膚，前年參選港姐雖然只能夠進入五強，但落選之後備受TVB力捧。

何泳芍更因為係潛水教練嘅職業，而得到美人魚教練嘅稱號，更因此獲派同謝芷倫主持旅游節目《3日2夜》，一齊去泰國潛水。

何泳芍表示，當初參選港姐係為咗改變大眾對擁有健康膚色女士嘅睇法，因為佢曾經過畀人笑過太黑，直到去美國讀書之後，先再慢慢建立自信。

何泳芍自舊年開始成為是非精一員，同馮盈盈、麥美恩等人一齊主持節目《學是學非》，何泳芍代表顏色係淺黃，畀心機嘅何泳芍更加喺拍攝做實驗期間拍到嘔。

雖然咩泳芍係落選港姐，但佢嘅機會絕對唔過三甲港姐少，佢喺TVB自家廣告中，佢更加係多次蒲頭，曝光率超高。

據悉，何泳芍喺最近嘅訪問中，自爆最近恢復單身，同外籍男友分手，對于未來擇偶，佢要求對方一定係鐘意做運動，拒絕排骨仔。