前「TVB小生」麥長青（麥包）同老婆林孜意思卷入投資騙局，佢哋兩公婆喺2014年同朋友合資逾四百萬炒賣iPhone，卻遭友人詐騙，友人卻動用另一位受騙客人向麥包償還部分金額。
呢個受騙客人知道之後，馬上到TVB同當時麥包代言嘅海味鋪頭騷擾追數，單嘢令麥包畀終止廣告合約收入大減，事後麥包入稟高等法院申請禁制令，要求對方停止騷擾行為同賠償工作同精神上損失，申請索償百萬。
單嘢今日喺高等法院開審，麥包喺庭上話：「2016年嗰陣喺TVB拍攝《愛回家》，有兩個面相兇狠，疑似大耳竉嘅人到TVB向佢追數，單嘢仲驚動TVB總監樂易玲。」
但今日樂小姐拒絕為麥包上庭作證，佢仲話：「唔好搞啲嘢嚟玩。」麥包指初時唔知老婆畀人呃，直至搬屋嗰陣先知道老婆將積蓄挪用作投資。
麥包再指經歷呢件事之後，除失去海味代言之外，佢喺TVB嘅收入都大減，之後參與嘅綜藝節目都只能夠擔任嘉賓，錄《Do姐有問題》得500蚊利是。
麥包傾到工作嘅辛酸嗰陣好激動話：「我從茄哩啡爬上嚟，我冇得罪你哋，我都未到高峰就畀你哋拉落嚟。」法官要求佢冷靜，麥包馬上低頭回應：「我狂躁咗，唔好意思。」
記者就單嘢向麥包提問，佢話：「多謝關心，官司仲未打完，暫時唔回應你任何問題，唔好意思！」
講到麥包，佢自細就有一個歌手夢，後生嗰陣麥包曾經參加歌唱新秀大賽，同林文龍同屆，可惜星運不如人，一直喺TVB徘徊在三四線未能上位。
為咗實現夢想，麥長青由低做起，從茄喱啡、兒童節目主持人，廿幾年佢從奶油小生到滄桑大叔，後生嗰陣比林峯仲靚仔嘅麥長青，但始終未能上位，一直徘徊喺三四線。
90年代初期，麥長青家中遭遇變化，父親母親相繼患病，喺生活窘迫之下，麥長青唯有接拍大尺度影片《極度獸性》，對于係新手嚟講，麥長青各種唔慣，一個鏡頭不停NG。
一個人嘅努力同堅持係可以睇得出，廿幾年過去，麥長青喺《巾幗梟雄之義海豪情》中演咗一個賤人，佢將厚顏無恥、勾人老婆嘅賣國賊梁非凡上演得入木三分，呢次佢終于畀人記住咗個名字。
後來仲憑借呢部電視劇，麥長青攞咗人生中第一個獎——最佳男配角，麥長青喺TVB努力咗23年，佢仲係配角，只係多咗一個形容字「最佳」。
唔理點樣，希望佢可以早日處理好私事，希望麥長青可以繼續畀我哋帶嚟多啲更精彩噶演出，期待佢嘅表演！
Like MisshkNews Facebook！不出门也能知天下事～
