前港姐高海寧喺5年前就同音樂才子鄧智偉傳出緋聞，雖然佢哋冇公開承認戀情，但外界早已認定佢哋係一對情侶，更有報道指佢哋已經到咗談婚論嫁嘅階段。
不過較早前有眼利嘅網友，就發現高海寧同鄧智偉嘅社交帳號竟然互相取消關注，暗示5年戀情正式玩完？
對于取消關注鄧智偉一事，高海寧解釋話自己本身關注咗600幾人，而家只關注咗300幾人。（取消追跡基于乜準則？）冇，因為鄧智偉都冇追跡自己，所以大家唔好將件事放大。
日前，高海寧出席活動嘅時候，對于兩個人戀情表示：「其實大家真係唔使太過關心我感情生活，因為我一直堅持低調處理感情生活唔會高調去宣布，至於係咪分手，希望大家將關注點放返我嘅工作。」
據最新報導，高海寧同鄧智偉分手嘅原因，竟然係因為有第三者介入，有指鄧智偉識咗一位嚟自北方嘅佳麗，而導致感情破裂最終分手收科，至於真相係點楊，相信只有當事人先知道啦！
唔理點樣，高海寧正處于自己事業發展嘅黃金時期，相信佢嘅事業發展得越嚟越好，期待佢嘅表演！
Like MisshkNews Facebook！不出门也能知天下事～
