正在熱播嘅TVB劇集《機場特警》，「TVB童星」黃子恩（Amanda）喺劇中飾演吳家樂女兒瞳瞳，因為其擁有混血樣貌嘅瞳瞳相當搶鏡，備受網友關注。
而現實生活中，黃子恩其實係一位中美混血兒，完美繼承父母優良基因嘅佢，五官精緻，笑容甜美，同樣都識得講普通話同英文。
現年十歲嘅黃子恩，雖然年紀細細，但演出經驗相當豐富，佢由5歲開始就做Model，拍過超過200個廣告，包括迪斯尼公園、海洋公園、匯豐銀行、Bossini、玩具反斗城等等。
黃子恩更經常出席商場活動，黃子恩面對鏡頭唔單止完全唔怯場，更表情多多，擺任何Pose都難唔倒佢！
雖然黃子恩嘅工作行程排到滿，但佢嘅成績亦相當好，同時兼顧工作同學業嘅佢更興趣廣泛，鐘意唱歌、跳芭蕾舞、彈鋼琴等等，絕對係多才多藝！
黃子恩曾經喺2016年入選TVB舉辦嘅最受歡迎童星選舉，更加喺2018年出街嘅荷李活電影《我的超豪男友》（Crazy Rich Asians）中飾演童年版Astrid，成功進軍荷李活！
黃子恩原本同屋企人定居香港，不過喺舊年年頭全家移居到美國費城展開新生活，黃媽媽經常會喺社交平臺曬黃子恩嘅生活照，見到黃子恩大個咗唔少，真係女大十八變！
Like MisshkNews Facebook！不出门也能知天下事～
