呢排，前港姐劉溫馨鐘意上瑜伽，經常拍攝視頻上載到社交平臺分享，引起唔少網友討論。日前見到佢到黃埔示范做瑜伽，一字馬同拱橋等高難度動作，完全難唔倒佢，身體真係好柔軟。
劉溫馨話：「要多謝屋企人從細培養我嘅興趣，學跳舞同藝術體操等，不過開始狂做運動係舊年接拍《愛美麗狂想曲》，因為要飾演超模，所以監制勒令我喼弗。」
原本偏瘦嘅劉溫馨，仲搵嚟私人教練狂操，配合健康飲食，喺三個月內減去10磅，成績同決心令人刮目相看，因為疫情影響，佢亦定下“14日目標”，拍做運動短片傳播正能量，陪大家行出陰霾。
而劉溫馨呢排可謂係「熟男殺手」，佢先後同石修、關禮杰同吳岱融等人結片緣飾演情侶，唔怪得佢希望轉口味，自爆想嗒小鮮肉。
正在熱播嘅《機場特警》安排劉溫馨苦戀關禮杰，佢大讃對方有型，但兩個人感情似有似冇，最終未能開花結果。
唔理點樣，梗係希望劉溫馨可以繼續畀我哋帶嚟多啲更精彩噶演出，期待佢嘅表演！
Like MisshkNews Facebook！不出门也能知天下事～
