「TVB宅男女神」四度變樣，佢自稱純天然但冇人信

唔少女明星由出道到走紅，樣貌都經歷幾番進化，大部分都係顏值越嚟越高，作為「TVB宅男女神」Angelababy（楊穎），唔少僆妹封佢為偶像，全因嫩模上位變內地花旦，而且仲好紅。

Angelababy憑乜短時間成為咗內地花旦，綜藝節目接到手軟，實屬令人羨慕，佢嘅代表作少，但片酬好高，有人話佢全靠樣貌走紅，憑標緻臉孔瘋魔萬千粉絲。

不過，都有網友質疑Angelababy樣貌進化，係屬於后期加工類型。

日前，Angelababy主持節目《潮流合伙人》出街之後，節目中一位日本媽咪贊Baby睇落好似20歲，相反內地網友質疑佢樣貌再進化，而且好明顯。

Angelababy曾經于2015年喺北京醫院，搵醫生做檢查同鑒定，公開檢查報告結果表示未有整容，力證全天然美女，但係網友唔賣賬。

早喺2019年內地節目《奔跑吧》出街嗰陣，最多內地網友談論唔係節目內容，而係Angelababy嘅容貌，唔少網友指佢雙眼比以前仲大，紛紛留言話：「係咪開眼角，比大咗好多，眼、鼻、下巴愈嚟愈唔自然。」

回顧少女時期嘅Angelababy，當時佢仲係一個哨牙妹，由于牙齒問題，導致佢嘴唇亦都有啲凸出，并冇而家嘅女神氣質。

經過進化嘅Angelababy，笑得更加迷人，Baby馬上出首本寫真以日系少女，以高貴嫵媚風格，成功俘虜唔少男士，首本寫真彈起之後，即可告別寫真界，憑住混血兒稱號北上發展，晉升內地一花旦。