前港姐肯博肯捱，但失去TVB高層男友支持地位不再

TVB不嬲鐘意捧港姐上位，以往視后獲獎者有唔少都係港姐出身，比如佘詩曼、胡杏兒、郭羨妮等人，雖說而家港姐一屆不如一屆，但係都有滄海遺珠。

TVB熱播劇《法證先鋒4》就有兩位港姐，朱晨麗、湯洛雯。

朱晨麗喺2017年曾經以《超時空男臣》飾演嘅方惠玲一角，奪得《萬千星輝頒獎典禮2017》最佳女配角。

朱晨麗本來星路一片光明，從18線茄喱啡極速上位到一線花旦，呢幾年劇接劇嘅佢，《特技人》、《大醬園》都係擔任女主角。

之后，朱晨麗又參演臺慶劇《多功能老婆》，同洪永城飾演夫妻，并與同劇嘅楊千嬅、陳煒喺套戲內戲外都成為閨蜜。

喺今年嘅重頭劇《法證先鋒IV》，朱晨麗又喺拍攝期間為求逼真棄用替身，親身拍攝喺39樓嘅天臺救人戲份，導致手踭脫骹，頸椎嚴重移位險致半癱。

入行九年幾，朱晨麗係呢幾年先上位，以往都係茄喱啡，但喺2015年忽然富貴，除咗進駐月租十五萬嘅金鐘服務式住宅之外，歐游時坐頭等艙，兼一次付清買樓等。

原來喺2015年嗰陣，朱晨麗已經同TVB高層陳國強（殼王）搞地下情，而同時期，佢都開始喺TVB不斷露面，上位在即。

可惜朱晨麗繼《法證先鋒4》之后，佢手上零劇集突然間停低腳步，好似上位之路暫斷，背后原因嘅係緋聞男友殼王陳國強，喺今年初辭任電視廣播（TVB，00511）董事局主席同非執行董事職務。

后臺男友辭職，朱晨麗嘅上位之路恐怕有難度，失去高層照應，就算佢點肯捱肯博，充當其量可能只係二三線花旦，冇劇集拍觀眾好快會唔記得佢。