TVB熱播劇《法證先鋒IV》，前日（3月11日）一集，講到法證要員調查迷幻蘑菇死亡案，「TVB小生」吳家樂所飾演嘅商人盧孝達，為咗錢而毒殺親生妹，吳家樂將喪心病狂演繹得淋漓盡致。
入行26年嘅吳家樂，一直係公認嘅好戲之人，由于家姐喺TVB做嘢，而佢姐夫又係TVB高層何麗全，所以佢返香港后就決意喺娛樂圈發展。
吳家樂喺1994年加入藝訓班，同陳展鵬、張松枝、劉愷威同陳彥行做同學，處男劇係同黎明、古天樂做主角嘅《阿SIR早晨》。
但之后因為意外撞斷手，TVB就安排吳家樂主持煙花匯演，畀發現主持能力唔錯，就讓佢主持《周末任你點》、《K－100》，吳家樂憑住喺《K－100》內嘅風趣表現，之后更成為《歡樂今宵》、《獎門人》嘅主持人。
但吳家樂就冇主角命，佢曾經參演過《神雕侠侣》、《九五北斗星》、《廉政英雄》等劇集，又擔任節目主持，可惜佢飾演嘅角色始終未能令人留低深刻印象。
呢幾年，吳家樂亦積極突破戲路挑戰自己，喺《城寨英雄》吳家樂飾演乸型、城府極深、陰險毒辣、唯利是圖卻武功高強嘅大反派，亮眼表現讓其備受注目。
吳家樂除咗《城寨英雄》嘅馮春美之外，仲有喺《愛回家》中飾演涼粉一角。涼粉同孻姑郭少蕓由暗戀行到訂婚，最后因為不育分手，呢段情曾經被網友選為《愛回家》嘅遺憾之戀。
吳家樂仲有最近嘅《包青天再起風云》飾演采花賊花蝴蝶，劇中佢患上人格分裂症，一秒由奸變忠，演技大獲好評！
事業未算大紅大紫，但吳家樂家庭生活好美滿，2006年3月佢迎娶拍拖一年幾嘅其士集團太子女周蕙蕙。
新娘周蕙蕙
當時出席嘅圈中好友包括劉德華、汪明荃、羅家英、沈殿霞、古巨基、傅明憲、曾志偉同李珊珊等人，真係星光熠熠。
2007年大女出世，2008年龍鳳胎兒子，48歲家樂仔已經變成多仔公家樂佬，為咗照顧三個仔女，家樂仔曾經有一段時間暫停拍劇，專心做湊仔公！
卸下演員包袱，家樂仔其實係顧家好男人，佢曾經表示希望透過領養唐狗，培養3個仔嘅愛心，加埋太太周蕙蕙係SAA保護遺棄動物協會創會會員，一直致力幫助拯救流浪動物，所以家樂仔支持領養代替購買。
呢排，吳家樂更為屋企人斥資千萬，購入黃埔花園一個單位，絕對係顧家好老公，跟住落嚟，佢仲有《機場特警》、《唐人街》、《逆天奇案》三套劇陸續出街，期待佢更有挑戰嘅角色！
Like MisshkNews Facebook！不出门也能知天下事～
