前港姐康華喺《法證先鋒IV》中飾演張綺寧，係水慧明（陳煒飾）嘅好朋友，日前出街嘅一集，因為水慧明忙住做嘢，於是請張綺寧幫手陪男友賀立維（鄭子誠飾）去酒會。
張綺寧著上身水慧明揀嘅性感晚裝，令賀立維眼前一天亮，期間張綺寧唔小心跌咗一跤，賀立維即刻上前攙扶，肌膚接觸，為佢哋三角戀掀起序幕！
康華著上紫色低胸晚裝大騷性感身材，真係性感到爆，佢平時肯定運動有功，先可以駕馭咁難著嘅晚裝裙。
講到康華，其實佢喺1994年參選香港小姐入行，選美結束之後加入TVB，發展其演藝事業。
康華主要飾演反派女角而出名，例如奸妃、黑幫女大佬、小三同青樓女子等，所以佢有「TVB御用情婦」嘅稱號，令佢多年嚟畀「邪花」形象定型。
康華嘅經典角色有2001年《倚天屠龍記》嘅丁敏君、《醉打金枝》嘅風塵女子綠翹等，而呢次再飾演“小三”角色，依舊風韻猶存！
Like MisshkNews Facebook！不出门也能知天下事～
