前港姐喺片場同緋聞男友甜蜜互動，畀網友催結婚拉埋天窗

前港姐呂慧儀舊年3月份宣佈同前夫黃文迪離婚，之后佢傳出同《愛回家之開心速遞》拍乸張景淳戲假情真，兩個人仲畀網友拍到手拖手睇戲，事后仲一齊返女方寓所過夜。 單嘢曝光后，雖然呂慧儀否認有關報道，堅持承認兩人凈係單純嘅同事朋友關係，不過呢排兩個人喺社交平台多次曬恩愛，惹來唔少網友猜測佢哋關係正在升華中。

尋晚，張景淳喺社交平台曬出《愛回家之開心速遞》片尾彩蛋戲份，見到龔燁（張景淳飾演）喺沙灘堆心型蠟燭，準備向熊若水（呂慧儀飾演）驚喜求婚，然而現實中兩個人嘅甜蜜互動，更令網友催結婚拉埋天窗。

因為喺一段張景淳嘅自拍視頻中，睇到呂慧儀仔仔驚喜亂入，原來佢當晚帶埋個仔一齊去開工，可以睇到呂慧儀、張景淳面向大海并肩而坐，蟹籽就喺隔離玩沙，突然間蟹籽大喊一句媽咪幾靚，張景淳即刻拍落長腳蟹靚樣，場面好溫馨。

一眾網友紛紛留言指：「似足一家三口，真係好甜蜜，太襯啦」，更有人要求佢哋快啲做真情侶，快啲拉埋天窗！