前港姐愛女滿月嫐爆發文，做爸爸媽媽嘅人先會明白

前港姐許芷熒（原名許亦妮）上個月頭生落囡囡馮寶寶，囡囡尋日滿月，許芷熒就好嬲，為咗唔影響心情，佢尋日未有多講，直至今日先公開原因，原來同個女嘅健康有關。

許芷熒話：「我諗我嘅嬲只有做過爸爸媽媽嘅人先會明白﹗呢件事係關於我買咗一個產品，呢個產品嚴重出錯，以至我BB多日嚟吸收唔足夠嘅營養。然後呢間公司嘅負責人畀我嘅態度同回覆令我覺得更加嬲﹗佢講到好似個產品係咁㗎﹗好似講到冇乜嘢﹗」

講到許亦妮，其實佢喺2011年勇奪香港小姐季軍同最上鏡小姐，同朱晨麗係同屆港姐，選美結束之後，佢加入TVB獲得力捧，工作接踵而來。

許亦妮喺TVB期間，拍攝過《師傅明白了》、《名門暗戰》、《潮流教主》等劇集，可惜因為佢緋聞有多，多年嚟讓佢形象插水，直至三年前同TVB完約離巢。

唔理點樣，宜家見到許亦妮一家三口咁幸福，真係替佢哋開心，祝福你哋永遠幸福快樂喔。