前「TVB小生」因為性騷擾畀雪藏，宜家同李施嬅做螢幕情侶

前「TVB小生」海俊傑喺《法證先鋒IV》同李施嬅有感情線，兩個人更有親熱戲，李施嬅喺接受訪問，更指兩個人最后激吻戲嗰陣都有感覺，證明兩個人默契相當好。

其實海俊傑正係當年TVB最紅嘅男歌手，1993年海俊傑亮相第三屆先鋒歌唱比賽，比賽結束獲得華納唱片賞識，不過佢因為掛住喺美國生活嘅女朋友而放棄加盟。

1994年海俊傑參加第十三屆新秀歌唱大賽獲得冠軍，然后簽約華星唱片成為歌手并推出新歌《永遠的偶像》。

同年獲得1994年度《十大勁歌金曲頒獎典禮》最有前途男新人銀獎，當年佢輸畀后尾紅起嘅古巨基。

不過，當年海俊傑推出咗第一張專輯《微風中的海》之后，就再都冇新碟推出，加入TVB第一部劇后，都只能夠做配角、奸角。唔少觀眾都應該對佢有啲印象。 海俊傑佢喺《刑事偵緝檔案3》中，飾演張大勇細佬。

海俊傑佢喺吳啟華、黎姿版嘅《倚天屠龍記》中，佢飾演王保保。

但因為當年海俊傑行為唔檢點，經常流連夜場，又唔接公司電話，令到公司對佢不寄予厚望甚至放棄。無奈之下，佢喺1999年離開香港外闖，適逢有臺灣監制搵佢拍攝，離開TVB后嘅第一套劇係《少年英雄之洪文定》。

但由于啱啱北上發展，內地市場唔穩定，海俊傑一年后也簽約亞視，喺亞視同內地兩邊拍劇。當時「亞視小花」劉綽琪控訴海俊傑性騷擾，結果海俊傑喺香港畀雪藏，喺2006年約滿亞視，最終主力返回內地發展。

而家，時隔18年海俊傑回巢TVB拍劇，仲係重頭劇集，佢喺《法證先鋒IV》中飾演聲紋專家施見賢，戲份唔少，足見當年單嘢已經令佢醒悟，痛改前非。