2018香港小姐20強已經誕生咗一段時間，今日（26號）一眾后選佳麗就為特别節目《美麗120秒》攝影外景。臺灣妹（18歲）高育英（Kelly）就透露自己爸爸系香港人，阿媽系臺灣人，而自己就系歐洲長大，但一到假期都會翻香港。
較早時畀爆喺臺灣出過道做歌手，Kelly都直認不諱，但佢就澄清并無自資數百萬臺幣為自己出碟，佢話：「其實我好鐘意唱歌，好鐘意表演，所以有去學唱歌。學唱歌的時候，有個制作人想我幫我出片，我都認同，所以就去試下。（父母都有份投資？）冇呀，系經理人出。（父母一蚊都無俾過？）無。（都好支持你？）細個嗰陣已經好支持，我都好多謝佢哋。」Kelly又指自己從未放棄歌手夢，希望有多啲機會表現自己。
講到話畀指出身富裕，佢就話：「系賣海鮮，普通羅，一般家庭，我哋都好努力。」問到有佳麗為咗參選同男朋友分手，Kelly笑言自己無呢一個問題：「我無男朋友。（咁三個地方鐘意邊度男仔多啲？）我都冇男朋友過，其實我無諗過，但系我覺得都OK啦。」
Like MisshkNews Facebook！不出门也能知天下事～
