前港姐自費買口罩送基層市民，希望可以幫到人

呢排受新型冠狀病毒肺炎疫情影響，市面上嘅口罩一罩難求，都有唔少愛心藝人幫手訂購口罩送畀有需要嘅人士，希望可以幫到佢哋，真係好暖心。

呢日，前港姐劉思希就自費買咗三箱口罩，喺天水圍派口罩畀基層市民。

劉思希指因為自己有朋友喺外國從事醫療方面工作，所有比較容易訂購口罩，所有麻煩佢哋購買口罩，之後自費安排速遞送去香港。

劉思希又透露原來前段日子已經買過一次，但好可惜快件丟失唔知道寄去邊到，今次再次購買嘅口罩最近先成功到達。

劉思希仲話：「將會陸續派其他抗疫用品，希望可以幫到人」，網友就激贊劉思希真係好友愛心。

現年34歲嘅劉思希喺2011年參加香港小姐競選入行，曾經擔任TVB娛樂新聞主播，2014年佢同郭晉安、吳卓羲合演《忠奸人》有重要戲份，但外界紛紛批評佢樣貌同演技。

2017年劉思希出演《迷》飾演丑女，演技獲得肯定，之後更獲得TVB高層曾麗珍賞識加入處境劇《愛回家之開心速遞》，成功入屋。

劉思希除咗拍劇之外仲兼顧學業，較早前劉思希終於完成兩年學業，喺科大舉行畢業禮，更考獲8A成績，畀稱為TVB學霸。

喺畢業嗰陣劉思希仲獲得《愛回家之開心速遞》演員呂慧儀、張景淳、湯盈盈同邵珮詩等演員現身撐場，劉思希唔單止愛學都充滿愛心，相信粉絲會鐘意佢。